CONTO SEMANAL

Hoxe, martes 19 de novembro comezamos co préstamo semanal dos contos da biblioteca escolar. Cada martes os nenos e nenas levarán a casa un conto da bilioteca  escolar, que deberán traer de volta o luns como moi tarde (o neno ou nena que leve a mochila viaxeira non leva conto da bilbioteca).
Levarán o conto na carpeta e, dentro da carpeta acompañando o conto vai unha pequena libretiña onde poñerán o título do conto, colorearán se lles gustou ou non o conto e farán un debuxo do mesmo. É importante que "escriban" e debuxen eles aínda que só sexa unha liña ou unha raia. O que se prentende con esta actividade é achegar as nenas e nenos ao mundo da lectura, axudarlles a espertar a súa imaxinación, enriquecer o vocabulario, favorecer a expresión oral e escrita; e así aproximalos a lecto escritura.  A lectura necesita de tempo e moita paciencia, queremos que a lectura sexa un premio, nunca un castigo.

GRAZAS POLA VOSA COLABORACIÓN.